Экскурсіі па экспазіцыі Мастацкага музея

• Аглядная экскурсія па залах пастаяннай экспазіцыі музея

Разлічана на дарослых, студэнтаў, гасцей горада і краіны

• Знаёмства з Музеем

Для школьнікаў 1–6 класаў

“Знаёмства з Музеем”. На першым занятку дзеці даведаюцца пра гісторыю стварэння музея, калекцыі, віды мастацтва – архітэктуру, жывапіс, скульптуру, дэкаратыўна-прыкладное мастацтва.

“Цудоўны свет карціны”. Другі занятак прысвечаны мастацтву жывапісу, таму, як мастак стварае ў карціне мастацкі вобраз.

“У гліне, камені, бронзе”. На трэцім занятку навуковы супрацоўнік распавядае пра тое, як працуе скульптар, у чым своеасаблівасць такога віду мастацтва, як скульптура.

“Аб чым могуць расказаць старадаўнія рэчы”. Чацвёрты занятак прысвечаны дэкаратыўна-прыкладному мастацтву, яго гісторыі і разнастайнасці.

“Маленькі эксперт” – музейны гульнявы занятак.

“Самыя-самыя...” – забаўляльна-пазнавальная экскурсія для навучэнцаў.

• Рэальны свет і мастацкі вобраз. Жанры выяўленчага мастацтва

Для школьнікаў 3–8 класаў

“Міфы старажытнай Грэцыі і Рыма” распавядаюць пра міфалагічныя жанры ў творах жывапісу і скульптуры рускіх і заходнееўрапейскіх майстроў, прадстаўленых у экспазіцыі музея.

“Вобразы Бібліі” апавядаюць пра біблейскія падзеі і герояў на прыкладзе твораў старажытнабеларускага мастацтва і мастацтва рускіх і заходнееўрапейскіх майстроў, прадстаўленых у экспазіцыі музея.

“Свет абраза” прысвечаны асабліваму духоўнаму і маляўнічаму свету абраза ў творах старажытнабеларускага мастацтва, прадстаўленых у экспазіцыі музея.

“Мастацтва партрэта” знаёміць з гісторыяй развіцця партрэтнага жанру ў творчасці рускіх мастакоў XVIII – пачатку XX ст., прадстаўленых у экспазіцыі музея.

“Прыроды дзіўны храм” апавядае аб развіцці пейзажнага жанру ў творах майстроў рускага мастацтва XVIII – пачатку XX ст., прадстаўленых у экспазіцыі музея.

“Кветкі і садавіна” знаёмяць з жанрам нацюрморта ў творчасці рускіх, заходнееўрапейскіх і беларускіх мастакоў, якія прадстаўлены ў экспазіцыі музея.

“Мінулых дзён зачараванне” прысвечана жанру інтэр’ера ў творчасці рускіх, беларускіх і заходнееўрапейскіх майстроў, прадстаўленых у экспазіцыі музея.

“Казкі Усходу” ў творах мастацтва майстроў Індыі, Кітая і Японіі, прадстаўленых у экспазіцыі музея.

• Беларускае і сусветнае мастацтва ў экспазіцыі музея

Для навучэнцаў 7–11 класаў, студэнтаў і дарослых

“Беларускае мастацтва XII–XVIII стст.”

“Беларускае мастацтва XIX – пачатку XX ст.”

“Беларускае мастацтва канца XIX – пачатку XXI ст.”

“Мастацтва краін Заходняй Еўропы канца XVI – пачатку XX ст.”

“Рускае мастацтва XVIII – пачатку XX ст.”

“Мастацтва краін Усходу XVI – пачатку XXI ст.”